lunes, 28 de febrero de 2011

China I: El país de los contrastes "Hong Kong"

Termino de llegar de China, y namái pueo dicir qu'esti ye un viaxe que nun hai que perdese, tol mundiu debería esfrutar esta esperiencia enantes de morrer. Cuando entamé a preparar el recorríu pela inmensa China, lo primero que faes ye dir a les axencies de viaxes, entames peles mas famoses, El Corte Inglés, Halcón, Marsans… y llueu pases peles pequeñes, el discursu ye’l mesmu en toes, tenemos unos paquetes que vas equí, ellí, y pal otru llau. Yo tenía claro qu’esto nun lo quería y dempués de tornar d’ellí y d’alcontrame con una moza de Xixón nel mediu Shanghai que diba nun viaxe d’estos con too entamao, confirmólo… La mio eleición foi Hong – Kong, Shanghai y Pekin. Tinía dificultaes pa garrar los vuelos y finalmente fícilo too per una axencia, pero aseguro-vos que nun merez la pena, pagues pa na, anguañu per internet, pues facelo too y los hoteles internacionales son de calidá y algámense meyores precios faciéndolo direutamente. Pero entamemos colo interesante, y lo meyor ye facelo rompiendo dalgún mitu que van sorprende-vos… Mitu 1: China nun ye barato, y a ver desplícome, los chinos ganen un sueldu mediu d’unos 125 € mes y esto falo de families normales, hai-los por supuestu per enriba y per debaxu, pelo tanto, la China de los chinos ye económica, pues alcontrar chigres nos qu'esfrutar la xinta a un preciu d'unos 5 € persona, pero la realidá ye que nes grandes ciudaes casi too ta camentao pa los turistes, especialmente Shanghai y Pekin, perdese per cualaquiera d’estos sitios implica gastar perres abondo. HONG KONG: Nun contratéis los tresllaos del aeropuertu al centru de la ciudá va un tren rápidu que nun tarda mas de media hora. El taxi ye caru, nun merez la pena garralu, porque tien un fantásticu metru, permodernu y que recurre la ciudá embaxu tierra, si lo que quies ye tener bones vistes, garra'l tranvía, cualquiera de los dos val 20 céntimos d’euru y merez la pena subise al segundu pisu d’esti, ventanines delanteres, una gran esperiencia. Si garres les guíes típiques métente paya a montones y lo qu’hai que facer de verdá ye perdese, caixear. Hai coses imprescindibles, subise al Star Ferry que cruza d'un llau al otru de la ciudá, de la Islla de Hong Kong a New Kowloon, tarda apenes 5 minutos y esfrutaras de vistes increíbles de nueche, el preciu 2 HK$ (20 €cent al cambéu de setiembre 2010) . Si apasiónate un mundiu gastronómicu o namái que quies vivir una esperiencia única, nun lo dubies y piérdete nun de los Wet Markets, onde podrás ver los peces vivos, que te los desescamen o filetéen tovía coleando, ver les entrañes de los animales colgando d'un ganchu, etc.., The Peak, garrando la entrada mas cara que permítete subir a la Sky Terrace dende la que vas maraviellate coles increíbles vistes, cierra a les once la nueche pelo que ye meyor que faigas la visita nocturna. Quitando les vistes y la esperiencia de dir nel Peak Tram (funicular) que súbete fasta’l picu Vitoria'l restu ye un centru comercial nel que nun ye recomendable gastar, pa que faigáisvos una idega subir costonos unos 7 € persona y 8 postales 15 €. Podéis dir a dalgún mercáu y tamién garrar el ferry pa dir a ver al Bulda mas grande del mundiu o incluso a Macau (un pequeñu Les Vegues, enllenu de casinos y sitios d’ociu) mas menos a 1 hora, pero esto nun ye imprescindible. Si vais con guah.es, estos dexuru que pásenlo en grande parque temáticu de Disney Pa los amantes de la gastronomía, dicivos que Macau y Hong Kong son les ciudaes con mayor númberu d'estrelles Michelin del mundiu. Yo cené nel que dicen que ye’l meyor de china, Lung King Heen nel Four Seasons Hotel, ye un 3 estrelles Michelin Chinu y que namái sorprendiéronme al final cola nota, ehí si que paécense a los d’Europa, 425 € dos persones. Sitios interesantes pa Xintar, munchos, Wong Chi Kei, en Wellington Street, l'alcohol ye mui caru incluyía la cerveza, por exemplu nesti sitiu d’una nota pa dos persones de 21 €, 7,8 € fueron de cerveza. Yun Kee na mesma cai, el mas famosu de los restauranes de cocina cantonesa de la ciudá, la so oca ye reconocía dende 1942, un pocu caru y de gran baruyu pero ta bien preciu mediu con cerveces 26 €/persona. San Lung en la calle Sai Yeung Choi, el meyor pa vivir una esperiencia nun de los sitios u xinten los chinos, nun suelen dar mesa compartía a los turistes, pero pue tocate, nosotros yéramos los unicos non chinos del chigre, delicioses viandes, incluyía una de les famoses sopes wonton picantes y fueron 18 € de lo que daqué mas de la metá fueron les cerveces.

Ayalgues Gastronómiques:

Una de les coses que mas pue sorprendete cuando llegues a un país totalmente dixebráu de la to cultura ye alcontrate similitues que nun esperes, a mi pasóme cola cerveza. Nel primer chigre u tuvimos entrugamos-yos que cerveces tinien, y la cabezalera de toes San Miguel.

San Miguel Premium Beer         

   Grau Alcohólicu: 5% del volume      
PREBA: De color roxizu tostáu, interesante ñarra nel qu'apaecen notes especiaes, en boca ye sabrosa con cuerpu, pocu o na tien que ver cola San Miguel que podemos tamar n’Asturies, ye peristeresante pa xintar con ella.
     
SERVICIU: a unos 5ºC pa esfrutar de toles sos carauterístiques organoleptiques, en sitios como Hong-Kong u'l calor aprieta pue baxase la temperatura.    
 PVP Aprosimau: 2,50 € 

Al platu vendrás arbeyu

Busy Suzie     

Shop 209, 1881 Heritage, 2ª Canton Road. Tsim Shai Tsui, Kowloon. Hong Kong. Teléfonu: +8522369-0077     
Preciu Mediu: 800 HK$ (80 €)     
Calificación: 9/10 (Cocina Internacional) 
Interesante mestura d’ambientes, onde pues tomar un cóctel na terraza o nel propiu chigre y tamién nes hores de Xinta y Cena pues llevar pal banduyu riques viandes. Ye un establecimientu de tipu tepanyaki ye dicir  que tan faciéndote bona parte la xinta delantre tuyo. Ta asitiáu nel luxosu centru comercial Heritage, nel que comparte espaciu con dalgunes de les firmes internacionales más importantes n’edificios históricos enllenos d’encantu. Una de les coses que más sorprendi y onde merez mas la pena xintar ye la barra, preparao pa ello, colos cocineros de rodielles faciéndote y entregándote la xinta. La meyor opción ye’l menú de tastia que nómenlu Samurái Feast y nel que vas esfrutar una seleición de platos perinterisante, enllenos de prestosos matices marinos, bravos de carnes como'l Wayú, peces crudos y asaos, pero too envolvío nun apasionante viaxe gastronómicu.
 
  Este artículo ha sido publicado en la sección "L'Atelier de los Sabores"que todos los meses escribe Serxu Solares en el semanario asturiano "Les Noticies"
     
       

No hay comentarios:

Publicar un comentario