lunes, 18 de abril de 2011

La Rioja, vinu n’asturianu

Dende l’añada de 2005 vengo añu tres añu faciendo vinos de dixebraes zones con un puntu siempre en común que ye l’emplegu de la llingua asturiana nes sos etiquetes, bien col nome o col conteníu de la información. Entamé con Gotes 2005, que foi la cabezalera de les mios incursiones series na ellaboración de vinu en solitariu y que foi nel Bierzu. Seguirian a esti, Un Vinu Curiosu 2007 y 2008 y Maeve nes añades de 2007, 2008 y 2009, estos vinos ficieronse nel pueblu d’Andrés Iniesta, el xugador del Barça, Fuentealbilla, na provincia d’Albacete. Va pa un añu que conocía a un asturianu, Javier Llamazares que ye copropietariu d’una bodega nun pueblu pequeñín, apenes cien habitantes, Alesón.  Los sos socios son viticultores, xente que trabaya la tierra y conoz al detalle cada una de les uves que dan el so viñedu. La crisis y la falta de tiempu real pa dedicame a controlar un viñedu que ta a tantos kilómetros d’Asturies como yera’l de Un Vinu Curiosu, teníame apartau de la idega de tornar a facer vinu cola añada de 2010, pero con esta xente el cuentu camuda. La selmana pasada pesllose l’acuerdu definitivu al comprobar que lo que buscaba taba algamao y que podíamos facelo público. Un Vinu Curiosu 2010 va salir al mercau en un mes más o menos y tará ellaborau demagar de Tempranillo de maceación carbónica y Mazuelo, con un pasu pequeñu por madera de la segunda variedá.  Con el nacieron, va más o menos un añu tamien, más proyectos nos qu’Asturies y la so llingua van tar tamien presentes y de los que diré contandovos cosines.
 
Ayalgues Gastronómiques:
En Guatemala faense los rones d’otra mena. Empleguen en llugar de la melaza (l’oruxu de la caña de zucre, pa que faigaisvos una idega) el miel virxe (l’esencia de la caña de zucre), amás criense en pipes de carbayu n’altura, nes montañes de Guatemala. Esti sistema dota d’una calidá especial a esti tipu de rones.

Botran Solera 1893   
Grau Alcohólicu: 40% vol.
PREBA: Cuidada presencia de notes de carambelu, con matices turriaos y especiaos, xuega con una colección de sabores dulces que recuerden al llargu procesu de crianza pel sistema de soleres que llega a los 18 años
SERVICIU: Serviu ensin dengún tipu de collaciu de viaxe direutamente del conxelaor.
 PVP Aprosimau: 35 €

Al platu vendrás arbeyu
Restaurante Latores
Latores – Uviéu  Tel. 985.275.799
Preciu Mediu: 30 €
Calificación: 7/10
Situau a les afueres d’Uviéu, ye un ampliu restaurant que ofrez dixebraes propuestes de calidá, dende un gran banquete al serviciu tradicional de sidra o una terraza interesante agora en branu con cócteles y Gin & Tonic. Tien dellos platos interesantes basaos nuna amplia ufierte de pexes y carnes. La cecina con quesu de cabra, que podemos ver na semeya, ye espectacular con un toque d’aceite de guindilla que da-y un matiz picante perinteresante. Podemos tomar platos más tradicionales o más modernos, pero siempre con un bon toque de calidá.

Este artículo fue publicado por el semanario Les Noticies el pásado 15 de abril de 2011

No hay comentarios:

Publicar un comentario