Xixón Gastronómicu

Dende va dalgún tiempu Xixón convirtiose na capital gastronómica del Estau, nun hai otra ciudá que faiga tal númberu de xeres gastronómiques como esta. Yo creo que ensin dubia ye un aciertu porque otra cosa nun fadremos, pero xintar y beber los asturianos facemoslo perbien. Nos caberos meses vimos comu por Xixón pasaben les tortielles, los oricios, los pinchos, el gochu asturcelta o’l mas recién el menú d’Antroxu. Pero nun queda equí la cosa, dientro d’unos dies entama + Que Quesu 2011, la fusión, l’armonía o maridaxe de los quesos asturianos con bebíes varies, dende cócteles a cerveces pasando pol vinu o la xidre. Unes xornaes nes que vamos poder esfrutar daqué tan nueso como los quesos, n’estau puru o cola imaxinación de los cocineros de los chigres. Esti certame entama’l 21 de marzu, esi mesmu día nel Museu del Ferrocarril d’Asturies cellebrense los salones Enolia – Tast it Xixón 2011. El caberu día de + Que Quesu 2011 ye’l 27, cola Fusión Final Gastronómica que va tener llugar nel Hotel Silken Ciudad Xixón al llau de la nueva estación y na que podrán vese dende les 12 a les 15 hores, exhibiciones de coctelería pal maridaxe con quesu, cocineros faciendo les sos propuestes gastronómiques, muestra de quesos asturianos y mas coses. Tres d’ella vendrán el pulpu, la sidre, la menestre, les tapes, los cócteles, la costera, el arroz con pitu caleya, la folixa de la sidre natural, les fabes con setes, los callos, la cocina tradicional y nun sabese cuanto mas.

Ayalgues Gastronómiques:

La xinebra vive un intre dulce nel que xorrez el consumu de forma considerable respetu a otres bebíes, dende va tiempu hai una llocura del Gin & Tonic y ca vegada son mas les xinebres que caen nes nueses manes, unes con mas qu’aportar qu’otres. La que seleciono equí pa min ye la mas interesante de cuantes hai agora mesmo nel mercau.

Nº3 London Dry Gin   

Grau Alcohólicu: 46% vol.

PREBA: Tien una ñarra impresionante na que hai una complexidá pervariao, aromes frescos del cilantru, pequeños matices de vainilla y marcau carácter d’enebru. En boca ye seca, sabrosa na que apaecen pequeños matices picantes xunto col frescor cítricu.

SERVICIU: Sacao direutamante de la nevera con una bona tónica y una cortecina de naranxa. Si queremos facer un bon Martini ye meyor tenela na xelera. 

PVP Aprosimau: 35 €

Al platu vendrás arbeyu

Comarea

C/ Carlos Martinez Barbeito y Morás nº 4 – La Coruña

Tel. 981.132.658

Preciu Mediu: 40 €

Calificación: 9/10 (Chigres de Vinos)

Nel barriu de Matogrande en La Coruña, alcuentrase esti peculiar chigre nel que pues alcontrate con cualquier políticu o personaxe de la vida pública de Galicia. Un espaciu nel que’l vinu y el mariscu conviertense en protagonistas absolutos. Nun se pue colar d’ellí ensin probar cualaquier de les fresques viandes que pasen per delantre: amasueles, berberechos, centollos, ostres, muergos, andariques, xamón ibéricu o los güevos rotos. Les amaxueles son un auténticu escandalu merecen la pena y los güevos rotos perfectos pa fartucase bien fartucau. Nel capítulu de los vinos tien un bon garabatu d’ellos, nos que merez la pena perdese pela bona cantidá de Champagnes. Meses altes, pa sorpresa, nun conceutu que nun furrularía en tolos llaos.

Este artículo fue publicado por el semanario Les Noticies el pasado 11 de marzo de 2011